Birleşken küçler tedbirleriniñ ştabı noyabrniñ 9-nda Donbastaki Ukraina mevzilerine ateş açılmadı. Aynı vaqıtta, noyabrniñ 8-nde 11 kere ateş açılğan edi, neticede bir ukrain arbiyi yaralandı.
«LNR» gruppirovkasınıñ vekilleri noyabrniñ 9-nda mevzilerine bir kere ateş açıldı, dep bildire.
«DNR» gruppirovkası sabadan bir malümat bermedi, amma noyabrniñ 8-nde açılğan ateş neticesinde üç aydut elâk olğanını bildirdi.
Donbastaki zıddiyet alanında iyülniñ 21-nde barışıq ilân etilse de, ateş tınmay. Taraflar bir-birini sukünet rejimini bozğanında qabaatlay.
Donbastaki silâlı zıddiyet 2014 senesinden berli Rusiyeniñ Qırım işğalinden soñ devam ete. Ukraina ve Ğarp Rusiyeni separatistlerge silâlı yardım köstergeninde qabaatlaylar. Kreml bu qabaatlarnı red ete ve Donbasta ancaq Rusiye «göñüllileri» bar, dep israr ete.
BM malümatına köre, 2018 senesi dekabr ayına qadar zıddiyet vaqtında 13 biñ insan elâk oldı, tahminen 30 biñ yaralandı.
