Qırımda iyülniñ 11-ne küçlü sağanaq ve boranlı yağmur sebebinden furtuna havfı ilân etildi. Bu aqta Rusiye kontrolindeki Qırım Fevqulâde vaziyetler nazirligi haber ete.
«İyülniñ 11-nde saba ve kündüz Qırımnıñ merkeziy, cenübiy ve şarqiy rayonlarında küçlü sağanaq, boranlı yağmur, burçaq yağması, saniyede 20-25 metr süratlı yel esmesi beklenile», – dep haber etile.
Qırımda soñki künleri ava bozula. Sinoptikler sağanaq ve boranlı yağmurlar aqqında tenbiley.
İyülniñ 12-ne qadar Qırımnıñ cenübiy rayonlarında fevqulâde yanğın telükesi olacaq.
