Mayısnıñ 18-nde qırımtatar halqınıñ Qırımdan sürgün etilgeniniñ 75 yılı tola. Qırımlılar Stalin rejiminiñ eñ qorqunç cinayetlerinden biriniñ qurbanlarını içtimaiy ağlarda añıp, zemaneviy cemiyette qırımtatarlardan qorqalar, dep ayta.
…Cumlemizniñ qırımtatarlardan ögrenecek şeylerimiz bar. Bu küçük ğururlı halq yıllar devamında satqın tavrasınen yaşadı, amma bir şeyge baqmadan, küçlü, açıq ve temiz olıp qaldı. Til, iman, ananelerini saqlap qaldı. Balalarğa uzaq, körünmegen vatanğa sevgi aşladı. Mayıs 18 kederli künü ögünde baş egem ve qırımtatar halqına tuvğan toprağınıñ saibi olmasını can-yürekten tileyim.
Qırımtatar faallerine Qırımda facialı adise-vaqialar aqqında Rusiye quvetçileri hatırlattı. Mayısnıñ 18-inden bir qaç kün ögüne olarğa «qanun bozulmaycağına dair ihtarlar» berilmege başladı.
İzaat bergenler sürgünlik aqibetleri alâ daa yoq etilmedi, cemiyette ise qırımtatarlarğa nisbeten menfiy munasebet qala etile, dep bildire.
…Kerçekleştirilgen genotsid neticesinde Qırımnıñ tamır halqınıñ aman-aman yarısı yoq etildi. Sürgünlik aqibetleri alâ daa yoq etilmedi. Ve bugünde-bugün zalımlarnıñ balaları XX asırda kommunist rejiminiñ insanlarğa ve halqlarğa qarşı yapqan cinayetlerini aqlamağa devam ete.
Mında kösterilgen bütün yazılar açıq menbalardan alındı
