Köktöbelde "Galeon" yalısı yanında bazar künü, iyün 14-ünde, yalıdan uzaqqa yaldap ketken ve özü qaytıp olamağan aqaynı qurtardılar.
Bunı Rusiye FVN-niñ Qırım idaresiniñ matbuat hızmeti bildirdi.
"1988 yıl doğma Tiraspol sakini yalıdan 400 metr uzaqqa yaldap ketti, amma öz küçünen qaytıp olamadı. Qurtarıcılar onı yalığa çıqardı. Tibbiy yardımğa muhtac degil", - denile beyanatta.
Hatırlatayıq, iyün 13-ünde Qırımda aqıntı qayıqçını deñizge alıp ketti.
İyün 14-ünde Qırımnıñ Cenübiy yalısında deñişici bulutlılıq tahmin etildi.
