Köktöbel qasabası, Sudaq suv yolunıñ tamir işleri sebebinden bir kün suvsız olacaq. Bu aqta “Voda Krıma” saytında bildirile.
Müessise malümatına köre, suv teminatı mayıs 16 saat 8:00-dan mayıs 17 saat 8:00-ğace toqtatılacaq.
“Suv teminatı olmağan vaqıtta, suv mahsus ayrı savutlarnen ketirilecek”, - denile beyanatta.
Ukraina Qırımnıñ içecek suv ihtiyaclarınıñ 85%-ni yarımadanen bağlağan Dnipro aqıntı yolu olğan Şimaliy-Qırım kanalı vastasınen teminley edi. 2014 senesi Rusiye Qırımnı işğal etken soñ, yarımadağa suv berilmesi toqtatıldı.
