Yılnıñ başından Rusiye Fedaratsiyası ve işğal etilgen Qırımda demiryollarda eñ az 57 diversiya ıntıluvı olğan. Bunı "Vörstka" neşri haber ete.
Neşirniñ malümatına köre, diversiyalarnıñ yüzde 25-i mayısnıñ 13 kününde yüz bergen.
"Yanvar ve fevral aylarından cenkke qarşı olğan vatandaşlar 12 diversiya ıntıluvını yaptı. Mart ayında olarnıñ sayısı eksildi ve 7 oldı, aprel ayında kene arttı ve 12 oldı. Mayısnıñ 11 künü içinde ise eñ az 14 kere devlet mülküne zarar berme ıntıluvı oldı", - dep yazıla bildirmede.
Eñ çoq tarqalğan diversiya türü demiryollarda rele dolaplarınıñ yaqıluvıdır. Yılnıñ başından 36 böyle vaqia olğanı belli. Ekinci eñ populâr arbiy komissarlıqlarnıñ yaqıluvlarıdır. Böyle 6 vaqia qayd etildi. Bundan ğayrı demiryol relslerine zarar ketirilgen edi, gaz boruları patlatılğan edi, polis arabalarını, FSB binasını, Rusiye gvardiyasınıñ anbarını ve RF arbiyleri içün gumanitar yardım noqtasını yaqmağa tırışılğan edi.
Eñ çoq qaza Podmoskovyede, Novosibirsk ve Lenigrad vilâyetlerinde ve Sankt-Peterburgda olğan.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
