İyülniñ 20-nde Kyivde İvan Franko ve Boğdan Hmelnıtskıy soqaqlarınıñ çaprazında jurnalist Pavlo Şeremetniñ ölüm yerinde onlarnen jurnalist toplaşqan hatıra aktsiyası ötkerildi, dep haber ete Azatlıq Radiosı.
Aktsiyada Ukrainada ABD işlerinden vaqtınca mesüliyetli olğan William Taylor iştirak etti.
«Pavlo Şeremet öldürilüviniñ üçünci yılında bizler akimiyetni matbuat serbestliginiñ tarafdarı olğanını kösterip, ölüminde qabaatlı olğanlarnı mesüliyetke çekmesine çağıramız. Mustaqil kütleviy haber vastaları ukrain demokratiyasında müim rol oynamaqta», – dep yazdı Amerika elçihanesiniñ matbuat hızmeti. Taylornıñ «Pavlonı kim öldürdi?» yazuvlı şiarı ile turğan fotoresimi derc etildi.
2019 senesi iyülniñ 20-nde Pavlo Şeremetniñ 2016 senesi öldürilgeninden üç yıl keçti.
Pavlo Şeremet Kyivniñ merkezinde maşinası patlatılğan soñ elâk oldı. Ukraina akimiyeti onıñ ölümini öldürüv olaraq tasnif ete. Qatiller ve cinayetni sımarlağanlar alâ daa tapılmadı.
