Qırımtatar jurnalisti ve aq qorçalayıcısı Lutfiye Zudiyeva Rusiye akimiyeti tarafından "çetel agenti" olaraq ilân etilgeni sebebinden içtimaiy ağlarda basqı dalğası aqqında bildirdi. Bu aqta o, "Suspilne" intervyüsında ikâye etti.
"Telegram kanallarında meni Qırımdan sürgün etmek kerek, dep yazalar. Bu, içtimaiy bağlarğa tesir ete bilecek bozulğan bir şekil yarata. Qırım cemiyetiniñ propagandağa oğrağan qısmı propagandağa inanıp bularnı qabul ete. Bu daa bir basqı aleti, ve ayatnı daa da qıyınlaştıra", — dedi o.
Zudiyeva aq qorçalayıcı ve media işini devam etecek, Qırımnı ise basqığa baqmadan terk etmeycek.
Rusiye Federatsiyasınıñ Adliye nazirligi Zudiyevanı bu sene quralaynıñ 16-da "çetel agentler" cedveline kirsetti, çünki o "çetel tesiri altında" buluna eken. Müessiseniñ malümatına köre, uquq qoruyıcı "siyasiy faaliyetnen" oğraşa. Bu, işğal etilgen Qırımda qırımtatarlar arasında "çetel agent" tanılmasınıñ ilk adisesidir.
Qırımlı jurnalistniñ aytqanına köre, onı "çetel agent" olaraq tanuv qararı onıñ jurnalist faaliyeti ile bağlı