Rusiyede akkreditatsiya etilgen yekâne ukrainalı jurnalist Roman Tsimbalük, şahsiy telükesizligi içün Rusiyeni terk etkenini bildirdi.
"Şahsiy telükesizligime havf olğanını sayğanım içün Rusiye Federatsiyasından kettim. Rusiye huntası, ğaliba, kendini kösterdi. Şimdi olar, sorğuğa davetni lâğu etkenlerini aytalar, amma bu o kene olmaycağı manasına kelmey. Bundan evel, olar "Moskvadaki soñki ukrain mühbiri ile pek ve pek ciddiy oğraşacaqları" aqqında bir çoq signal oldı", - dep Tsimbalük Gromadske neşrine intervyü vaqtında.
Tsimbalük 13 yıl devamında Moskvada UNİAN agentliginiñ öz mühbiri olaraq çalıştı.
Evel Rusiye akimiyeti, ukrain mühbirini ekstremizmde açıq şekilde qabaatladı.
