Jurnalist Aleksandra Yefimenko, öz Facebook saifesinde ilhaq etilgen Qırımda Rusiye polisi tarafından oña qarşı ola bilgen taqipler aqqında haber etti. Qorqutuvlar sebebinden o Qırım yarımadasına barmamağa qararına kelgen.
"Qırımğa soñki hızmet yolculığım sentâbr ayında noyabr ayınace devam etti. Yarımadağa kelgenimden bir afta soñra, bir kün saba azbarınıñ kapısını açqanda ayağım altına qara şeritnen eki suniy qaranfil çiçegi tüşti. O zaman qalıp, işimni bitirmek qararına keldim. Amma bu olduqça ciddiy bir ihtar olğanını añlay edim. Kyivge qaytqan soñ, 2021 senesi dekabrniñ soñunda maña telefon etip, men yaşağan evge polis kelgenini ayttılar. Kelip adımnı aytqanlar, menim aqqında sorağanlar. Bunı yapqanlar, asılında meni tam uquqlı zenaat aqqımdan marum ete ve öz tsenzurasını qabul ettirmege tırışa. Tanımaq bunı hoşsuz, amma kerek. Elbette, böyle olacağını çoqtan bekledim, şunıñ içün iç şaşmadım", -dep yazdı jurnalist.
O, Qırım mevzusı ile çalışmağa devam etecegini bildirdi ve Qırım.Aqiqat, Suspilne Krım ve Grani.Ru muarririyetlerine işbirlik içün minnetdarlıq bildirdi.
"Mustaqil jurnalistler Qırımda işlemek kerekler. Atta zarur, aytır edim. Problemalardan daa çoq fayda ketire bilecegiñizni is etken daqqağa qadar. Çünki olar anda yeterlidirler. Amma işğal etilgen topraqlarda qalğan adamlar içün bir kereden çoq tevekkellik yapmaq mümkün, doğrusını aytam. Qırım da bunı aq ete", - dedi Yefimenko.
Kyivde apis etilgen Qırımlı zenaatdaşları ve olarnıñ aileleri ile birdemlik bildirip "Vatandaş jurnalistleri müimdir" fotoresimler sergisi açıldı. Foto müellifleri arasında: Aleksandra Yefimenko, Taras İbragimov, Eskender Gani, "Qırım birdemligi", Qırım.Aqiqat, "Ґrati".
