"Jovta striçka" areketiniñ faalleri Qırımda Boyko bayırında Ukrayina bayrağını kötergen. Bunıñ aqqında faallerniñ telegram kanalında haber etile.
"Biz Qırımda Ukrayina bayrağını köterdik! Böylece, biz Qırım Ukrayinanıñ qısmı olğanını bir daa hatırlatmağa isteymiz", - dep yazıla bildirmede.
"Jovta striçka" areketinde öz aktsiyasını devam eteceklerini bildirdiler.
"Bugün Ukrayina bayrağı Qırım töpesinde yelpirey, tezden ise biz onı yarımadanıñ bütün memuriy binaları üzerinde körecekmiz, çünki Qırım Ukrayinadır", - dep yazıla bildirmede.
Rusiye Ukrayinağa qarşı büyük cenkni başlatqanından berli "Jovta striçka" cemaat areketiniñ faalleri Qırım yarımadasında Ukrayina timsallerini qaldıralar.
Yaltadaki graffitini "Jovta striçka" temsilcileri yapqanına dair tasdıqlav yoq, amma bu resim cemaat areketiniñ öz içtimaiy ağlarında yayınlağan resimlerge pek beñzey.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
