Qırımtatar asıllı Ukrayin yırcısı Jamalanıñ QIRIM albomından Arafat dağından yırı Munich Music Video Awards festivalinde üç mukâfat aldı. Bu aqta o, Facebook saifesinde haber etti.
Onıñ aytqanına köre, Arafat dağından üç nominatsiyada qayd etildi:
- Eñ yahşı yır
- Eñ yahşı rejisser
- Eñ yahşı qıyafet
Bıltır dekabr ayında haber etilgenine köre, Qırımtatar asıllı ukrayinli yırcı Jamalanıñ Qırım albomındaki Arafat dağından eski mistik halq yırınıñ klipi Megogo Music Awards versiyasına köre «yılnıñ klipi» mukâfatını aldı.
Jamala 2024 senesi Taras Şevçenko milliy mukâfatnıñ laureatı oldı. Yırcı Qırım albomı içün mukâfatqa nail oldı.
Munich Music Video Awards (MMVA) – bütün dünyadan eñ yahşı muzıkalı videolarnı qayd etken er yıllıq festival.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
