Cuma künü, oktâbrniñ 12-nde, yırcınıñ beşinci studiya albomı dünya yüzüni kördi. Bunı yırcınıñ matbuat hızmeti bildirdi.
Haber etile ki, albomnıñ on yırı bar: yedi danesi ukraince ve üçü inglizce.
Relizniñ yazılmasında New Yorkta yaşağan ukrain caz pianisti Yefim Çupahin ve «Okean Elzı» taqımınıñ gitarcısı Vladimip Opsenitsa iştirak ettiler. Albom 211 Recording Studio ve Istok Studioda qayd etildi.
Relizden bir aydan soñ Jamala yañı albomğa qoltutmaq içün turğa çıqacaq. O, noyabrniñ 14-nde başlap sekiz şeerni qaplap alacaqtır: Kyiv, Odesa, Harkiv, Dnipro, Lviv, İvano-Frankivsk, Lutsk ve Rivne. Kyivde yañı programma Bel Etage klubında noyabrniñ 23-nde taqdim etilecek.
Jamalanıñ «Krıla» albomını sentâbrniñ 28-nden başlap iTunes Store, Apple Music ve Google Playde sımarlamaq mümkün. Jamalanıñ «Krıla» yañı klipi sentâbrniñ 12-nde taqdim etilgen edi.
