Qırımtatar asıllı ukrain yırcısı Jamala Ukraina şeerleri boyunca yapacaq üç aylıq muzıkalı turnıñ künlerini ilân etti. Bu aqta o, Facebook saifesinde yazdı.
«Oktâbr ayında Ukrainanıñ şeerleri boyunca yañı programmanen seyaatqa çıqam. 3 ay içinde acayip memleketimizniñ çeşit köşelerinde olacam – masal Lvivden başlap küneşli Odesağa qadar», – dep yazdı yırcı.
O, tur künlerini aydınlattı: 12.10 – Obuhiv, 17.10 – Hmelnıtskıy, 18.10 – Ternopil, 09.11 – Çerkası, 17.11 – Dnipro, 18.11 – Harkiv, 22.11 – Lutsk, 23.11 – Rivne, 24.11 – İvano-Frankivsk, 25.11 – Lviv, 30.11 – Kyiv, 03.12 – Odesa, 04.12 – Herson, 05.12 – Mıkolayıv.
Programma «10» adını aldı ve Jamalanıñ eñ eyi eserlerinden ibaret olacaq – You’re Made Of Love debüt müellif yırından başlap platin prodüseri Brian Todd yolbaşçılığında amerikan müellifleri yazğan Solo yañı yırına qadar.
Mayısnıñ 22-nde Jamalanıñ Solo yırınıñ yañı video klipi taqdim etildi.
Qırımtatar asıllı ukrainalı yırcı Jamala 2016 senesi İsveçiyada «Eurovisionda» ğalip çıqtı. O, qırımtatar halqınıñ sürgünligini tarif etken «1944» yırını icra etti. Ukrainalı yırcı ğalebe qazanğan soñ 2017 senesi yarış Kyivde keçirilgen edi.
