Qırımtatar asıllı ukrain yırcısı Jamala çarşenbe künü, mayısnıñ 22-nde, Solo yırınıñ yañı video klipini taqdim etti.
Yırcınıñ matbuat hızmeti bildirgenine köre, video klipiniñ rejissöri Anna Burâçkova oldı, o, Jamalanıñ The Great Pretender video klipini çıqarğan edi. Çekimler Kyivdeki grafinâ Uvarovanıñ kâşanesinde keçti.
«Video ğayesi yırlarımnıñ mevzularınen bağlı. Büllür kermen timsali olaraq açıq kub, anda bizler kerçeklikten ve diger insanlardan saqlanamız, üç farqlı sımada aks etilgen iç qaraman qıdıruvı», – dep tarif etti Jamala.
Solonıñ relizi fevralniñ 1-nde oldı. Aprelniñ başında yır eki britaniya çartınıñ birinci onuna kirdi: Upfront Club TOP 30 (7-inci yer) ve Commercial Pop TOP 30 (8-inci yır).
Qırımtatar asıllı ukrainalı yırcı Jamala 2016 senesi İsveçiyada «Eurovisionda» ğalip çıqtı. O, qırımtatar halqınıñ sürgünligini tarif etken «1944» yırını icra etti. Ukrainalı yırcı ğalebe qazanğan soñ 2017 senesi yarış Kyivde keçirilgen edi.
