Qırımtatar asıllı ukrayınalı yırcı Jamala ilk Şimal Amerika turnesi vaqtında Ukaryina içün 2 million grıvnâ toplağan.
Yırcı Like A Bird turnesiniñ programmasında Amerika ve Kanada seyircileri içün icadınıñ farqlı yıllarına ait audio materiallarını taqdim etti. Episi olıp Jamala 11 türlü şeerni ziyaret etti: Filadelfiya, Nyü-York, Çikago, Toronto, Monreal, Minneapolis, Vankuver, Sietl, San-Frantsisko, Los-Anceles ve Orlando.
Yırlardan ğayrı yırcı er bir kontsert vaqtında keçirgen hayriye mezatlar içün çoq şey azırladı.
Turne devamında yırcınıñ taqımı Ukrayina içün 2 million grıvnâ toplağan. Jamalanıñ sözlerine köre, para türlü hayriye vaqıflar arasında darqatılacaq eken.
Mayısnıñ 5-nde qırımtatar asıllı ukrayınalı yırcı Jamala QIRIM yañı albomını taqdim etti. Anda 14 yır kirdi, er biri Qırımnıñ ayrı yerini aydınlata. Jamala yırlarnı yarımadanıñ çeşit köşelerinde on yıllarnen topladı. Bu tedqiqatqa Qırım halqı qoşuldı – 80-den çoq muzıkacı iştirak etti.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
