Jamala Cemilevniñ yubileyinde yırladı (video)
Qırımtatarı olğan ukrainalı yırcı Jamala qırımtatar milliy lideri Mustafa Cemilevni 75 yaş yubileyinen hayırlap, oña yır bağışladı. Kyiv şeer devlet memuriyetinde noyabrniñ 13-nde qırımtatar halqınıñ lideri, Ukraina Yuqarı Radasınıñ deputatı, Ukraina prezidentiniñ qırımtatar halqı işlerinden vekâletlisi Mustafa Cemilevniñ yubileyi munasebetinen tantanalı merasim keçirildi. Mustafa Cemilev, qırımtatar halqınıñ aqları oğrunda küreşip, halqınıñ ürmetini ve qırımtatar milliy lideri statusını qazandı.