Qırımtatar asıllı ukrayın yırcısı Jamala QIRIM albomını ilân etti. Albom Kyivdeki Milliy operada Ukrayına milliy simfonik orkestrinen beraber mayısnıñ 5-nde olacaq.
«Reliz ulu qırımtatar medeniyeti ve nutqunı aldı, dünya olarnı pek az bile. QIRIM 14 eski yırdan ibaret, er biri Ukrayınağa ait yarımadanıñ belli bir yerini taqdim ete. Jamala yırcılarını esrarlı dağlardan tena yerlerden şamatalı deñiz köylerine qadar alıp bara, Qırım halq azatlıq serbestligi ve cesürlik, açıq asretniñ başlarını saqlay», – dep aytıla anonsta.
Bütün yırlar yarımadanıñ çeşit köşelerinde on yıllar devamında toplandı. Bu tedqiqatqa Qırım halqı qoşuldı – 80-den çoq muzıkacı iştirak etti.
«Ateş ve qaranlıqqa baqmadan, küreşimizni devam ettiremiz. Şunıñ içün canlı debütni evde çalmaq pek müim. Bizimkiler içün. Çünki QIRIM – özümizni tanımaq içün parça-parça toplağan tarihımız aqqında. Yıllar devamında qanağan medeniyetni bilmek içün. Yañı albom Ukrayınağa ait Qırımnıñ yolaqlarından keçire ve evelden bilinmegen ya da unutılğan ananelerni tarif ete. Ukrayına dünya içün böyle yanğırasın isteyim», – dep tarif ete yañı işini Jamala.
Albom Kyivde taqdim etilgen soñ QIRIM Liverpulde taqdim etilecek. EuroFestival çerçivesinde Jamala BBC Philharmonic Orchestra ile beraber albomnı çalacaq.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
