Avgustnıñ 20-nde Kyivde UYAVA sanat merkezinde qırımtatar asıllı Ukrayına yırcısı Jamalanıñ kontserti ötkerilecek.
«Avgustnıñ 20-nde, UYAVA sanat meydanında, men sevimli yırlarıñıznı yırlaycam: «Krıla», «Oçıma», «1944», «Zaplutalas» ve digerleri. Kârnıñ bir qısmı Ukrayına Silâlı quvetlerine berilecek. Jamalañız», – dep bildirdi o.
Teşkilâtçılar bildirgenine köre, kontsertniñ ortağı SUPPORT AZOV teşkilâtı ola. O, 3-ünci ücüm brigadasına vazifelerini yapmağa yardım ete.
Bundan evel berilgen malümatq köre, Jamala Şimaliy Amerikada yapqan ilk turında Ukrayına içün 2 mln ğrıvnâdan ziyade topladı.
Kyivde mayısnıñ 5-nde Jamala QIRIM albomını taqdim etti. 14 eser Qırımnıñ farqlı yerlerini añlata. Jamala bu yırlarnı Qırımnıñ çeşit köşelerinde topladı. 80-den çoq muzıkacı bu işke qoşulğan edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
