Bu aqta Ukrayina Medeniyet ve haber siyaseti Nazirliginiñ matbuat hızmeti haber ete.
Bildirilgenine köre, sergini ziyaret etkenler 565 unikal eserni köre bileler. Bu, XIX-XXI asırlarda Qırımnıñ arheologik tedqiqleri esnasında tapılğan qadimiy yunan, qadimiy Roma, keç skit, Sarmat, hun ve got eşyalarıdır.
Ekspozitsiya Ukrayina Milliy tarih müzeyinde daimiy olacaq ve Qırım işğalden azat etilgenine qadar devam etecek, bundan soñ kollektsiyanı yarımadağa avuştırmağa planlaştıralar.
2023 senesi iyünniñ 9-nda Felemenkniñ Yuqarı mahkemesi, "skit altını" Ukrayinağa qaytarılmalı, dep qarar aldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
