Advokat mayısnıñ 21-nde Rusiye nezaretinde olğan Qırımnıñ Yuqarı mahkemesi «devlet hainliginen» qabaatlanğan Qırım sakini İvan Yatskinge çıqarğan ükümni temyiz etecek.
Bunı Qırım.Aqiqatqa advokat Yatskinniñ advokatı Nikolay Polozov aytıp berdi.
Soçi şeerindeki umumiy yurisdiktsiya Üçünci istinaf mahkemesinde bu ükümni temyiz etecekmiz», – dedi advokat.
Polozovnıñ aytqanına köre, şu 11 yıl apis cezasına 2019 senesinden berli tevqif altında bulunması da kire. Bu üküm boyunca Yatskinge 9,5 yıldan az müddet qaldı.
Mahkeme oturışında Yatskinniñ ömür arqadaşı Gülnara Kadırova da bulunğan. Üküm çıqarılğan soñ, İvan Yatskin anası Taisiyanen laf etip olğan.
Mayısnıñ 21-nde Rusiye nezaretinde olğan Qırımnıñ Yuqarı mahkemesi «devlet hainliginen» qabaatlanğan Qırım sakini İvan Yatskinge üküm çıqardı. Alla Hineviçniñ reisliginde qadılar kollegiyası İvan Yatskinni bir yıl sıñırlav ile 11 yıl sert apis cezasına mahküm etti.
Ukraina Yuqarı Radasınıñ insan aqları vekâletlisi Lüdmila Denisova İvan Yatskinniñ ukmüni takbih etti.
Yatskin «devlet hainliginen» qabaatlandı (Rusiye ceza qanunnamesiniñ 275 maddesi – QA). Bu dava boyunca bütün mahkeme oturışları qapalı keçirildi, mahkeme, dava materiallarında devlet sırı olğanına atfı ete edi.
Qırımnıñ Curçı rayonınıñ Aybar (Voykovo) köyüniñ sakini İvan Yatskin 2019 yılda oktâbr 16-sında tutuldı. Bu dekabr ayında belli oldı.
Rusiye tahqiqatı, Yatskin Qırımda olıp, UMT ile işbirlik yaptı ve «Rusiyeniñ devlet sırı» olğan malümatnı olarğa bildirdi, dep ayta.
Qırım.Aqiqatnıñ Ukraina telükesizlik hızmetine yollağan muracaat cevabında İvan Yatskin UTH ile işbirligi yapmadı, dep aytıla.
«Memorial» aq qorçalayıcı merkezi İvan Yatskinni siyasiy mabüs dep tanıdı.
