İşğal etilgen Qırımda Boşnıñ 2-nde tamir işleri sebebinden üç rayonnıñ elektrik teminlevi qısmen sıñırlandı. Bu aqta "Krımenergo" rus müessisesi bildire.
Aqmescit, Qurman ve Bağçasaray rayonlarında elektrik energiyası qısmen kesildi. Sıñırlavlar tahminen saat 17:00-ge qadar planlaştırıla.
İlhaq etilgen Aqyarda Boşnıñ 2-nde elektrik teminleviniñ vaqtınca sıñırlav cedveli çalışa.
Sıñırlav Aqyar tışında elektrik ağınıñ ziyade yüklenüvini yoq etmek ve elektrik sistemasında qazanıñ ögüni almaq kerekliginen añlatıla.
Yalta Birleşken nevbetçi dispetçerlik hızmetiniñ malümatına köre, merkeziy ağdaki tamir ve restavrasiya işleri sebebinden belli bir segmentlerde istimalcılarğa elektrik energiyasınen teminlev sıñırlana. Sakinlerge liftlerden faydalanmamaq rica etile.
Hatırlatmaq kerek ki, Orta küzniñ 24-ne keçer gecesi ilhaq etilgen Qırımda elektrik energiyası kesildi. Rusiye akimiyeti bunı Qırım yarımadası tışındaki baş elektrik ağınıñ bozulmasınen bağladı, bunıñ sebebi, idda etilgenine köre, dron ücümidir.