Link açıqlığı

Saatnıñ esas haberi

İranda 180 yolcu ile ukrain uçağı qazağa oğradı


170-180 yolcusı olğan Ukraina "Boeing"i Tegeran ava limanı yanında qazağa oğradı. Bunı İran matbuatına atıf etip Azatlıq Radiosı haber etti.

Fars haber agentliginiñ malümatına köre, uçaqnıñ köterilüvinden soñra birden olğan qazanınıñ sebebi tehnikiy problemalar oldı.

Elâk olğanlar ya da yaralanğanlar aqqında şimdilik malümat yoq.

FlightRadar24 servisine atıf etip Associated Press ​agentligi haber etkeni kibi, uçaqtan kelgen malümat bugün saba o avağa köterilgeninden soñ aman-aman birden kesildi.

Ukraina "Boeing"iniñ qaza yerinde tahqiqat gruppası çalışa, dep haber etti memleketniñ aviatsiya matbuat kâtibi Reza Cafarzade.

XS
SM
MD
LG