İmaye tarafı işğal etilgen Qırımda Aqmescit sakini Denis Kaşuknıñ apiske alınmasını şikâyet etti. Bu aqta Nazim Şeyhmambetov Qırım.Aqiqatqa dekabrniñ 23-nde bildirdi.
«Aqmescit Kiyev rayon mahkemesiniñ nezaret altında tutmaq qararını şikâyet ettik. İmaye, mahkeme qararını sebepsiz dep saya, çünki Kaşuk mahkemede ev apsi aqqında rica etti. İmaye, meskeni ve küçük balası olğanını tasdıqlağan vesiqalarnı qoştı. Bundan ğayrı, Kaşuk qaçmağa tırışmadı», – dep ayttı Şeyhmambetov.
Advokat Nazim Şeyhmambetov, Rusiye FSBsi Aqmescit sakini Denis Kaşuknı silâ satın alğanından ve saqlağanından şübheli sayıp tuttı. Denis Kaşuknıñ ömür arqadaşı Olga Qırım.Aqiqatqa izaat berip, dekabrniñ 17-nden berli bağda olmağanını ve evlerinde tintüv keçirilgenini bildirdi.
Advokat Nazim Şeyhmambetov, FSB Kaşuknı eki madde – Rusiye Ceza kodeksiniñ 222-nci ve 222.1-incisine istinaden («qanunsız satın aluv, satış, saqlap, silâ, onıñ esas parçalarınıñ taşıması») – şübheli saya, dep bildirdi.
Rusiye kontrolindeki Aqmescitniñ Kiyev rayon mahkemesi dekabrniñ 20-nde Aqmescit sakini Denis Kaşuknıñ sıñırlav tedbirini belgilep, onı 2020 senesi fevralniñ 18-ne qadar SİZOğa aldı.
Ukraina Tış işler nazirligi işğal etilgen Qırımda Kaşuknıñ apiske alınmasına qarşı narazılıq bildirdi.
