Amerika cenk araştırma institutınıñ (ISW) esabatına köre, "ÇVK Vagner" tesisçisi Yevgeniy Prigojin, Rusiyeniñ Ukrayinada NATO askerleri olğanı iddiasını red ete.
"Prigojin, Kremlniñ Rusiyeniñ Ukrayinada NATO ile cenkleşkeni aqqında iddialarını red etti ve Kremlniñ surekli bildirgeni kibi Ukrayinada kerçekten natsistlerniñ olıp olmağanını şübe altına aldı. Prigojin, Rusiyeniñ NATO-nıñ tehnikası ile temin etilgen "yalıñız ukrayinler" ve NATO tarafından degil de, öz isteginen Ukrayinanı desteklegen "rusofob" ücretli askerler ile cenkleşkenini bildirdi. Prigojin, Ukrayinda "natsistler" olıp olmağanını bilmegeni içün Ukrayinadaki "denatsifikatsiya"nıñ maqsatlarından emin olmağanını qayd etti", - dep yazıla esabatta.
ISW talilcileri qayd etkeni kibi, Prigojin Rusiye arbiylerini ve kütleviy haber vastalarını Ukrayina quvetlerine semeresiz aytmaqnı toqtatmağa çağırğan.
"Prigojin, Kremlniñ Rusiyeniñ Ukrayinadaki NATO tehditlerine qarşı özüni qorçalamaq kerek olğanına dair cenkten evel ve cenk soñrası iddialarını aslında red etti ve Rusiye prezidenti Vladimir Putinniñ bu istilâ içün ilân etkeni maksimalist maqsatlarınıñ kerekligini ve ihtimalını bozdı", - dep qayd eteler İnstitutta.
Rusiye propagandası Rusiye ordusı Ukrayinada NATO ile cenkleşkenini ida ete edi. Amma NATO arbiyleri Ukrayinada cenkleşmey, Alyans memleketleri silâ bere.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
