Link açıqlığı

Saatnıñ esas haberi

İsveçiya Ukrayinağa 1,17 mlrd eurodan çoq arbiy yardım bere


Ukrayina mudafaa naziri Rustem Umerov ve İsveçiya mudafaa naziri Pål Jonson Brüsseldeki İttifaqnıñ ştab-kvartirasında NATO mudafaa nazirleriniñ körüşüvi vaqtında
Ukrayina mudafaa naziri Rustem Umerov ve İsveçiya mudafaa naziri Pål Jonson Brüsseldeki İttifaqnıñ ştab-kvartirasında NATO mudafaa nazirleriniñ körüşüvi vaqtında

İsveçiya ükümeti Ukrayinağa «bugünki künge qadar eñ büyük arbiy yardım paketini» bere, miqdarı 13,5 milliard isveç kronası (1,17 milliard eurodan ziyade), dep haber etti yanvarniñ 30-nda onıñ matbuat hızmeti.

Bu paket Ukrayinanıñ uzaq mesafeli imkânlarını quvetleştirecek, dep beklenile, çünki raketalar ve dronlar istisalını desteklemek içün 1 milliard kronağa yaqın paranı qabul etecegi beklenile.

«Paket sekiz qısımğa bölüne, eñ büyügi Ukrayinağa bermek içün çeşit türlü yañı tehnika satın aluvından ibaret – birinci nevbette İsveçiya ve diger Avropa mudafaa sanayılarından», – dep qayd etile beyanatta.

Ükümet paket içindekilerni böyle aydınlata:

  • tahminen 5,9 milliar isveç kronasına Ukrayina Silâlı quvetleri içün arbiy donatma satın aluv
  • 2,8 milliard isveç kronası miqdarında maddiy yardım, bu yardım mudafaa imkânları vastasınen tehnikanı aluv fonduna hayriye
  • tahminen 3,3 milliard kronalıq deñişmelerge İsveçiya Silâlı quvetlerinden paranıñ berilüvi. 146 yük maşinası, 16 darbe kateri, 23 silâlı deñiz silâlı, silâlar, 1500 TOW tanklarğa qarşı raketası, 200 tanklarğa qarşı silâ, piyade donatma ve imaye vastalarınıñ berilüvi planlaştırıla
  • İsveçiya mudafaa tedqiqleri agentligi ve İsveçiya mudafaa universiteti vastasınen 180 million kronanıñ berilüvi
  • 650 million kronası Ukrayina arbiyleriniñ ögrenüvine
  • daa evel berilgen İsveçiya tehnikasınıñ baqıluvına 400 million krona

İsveçiya ükümeti Ukrayinağa arbiy yardım er vaqıt onıñ ihtiyaclarına ve ögde turğan maqsatlarına esaslana, dep qoştı.

İsveçiya ükümetiniñ tahminlerine köre, Stokgolm Ukrayinağa büyük ücüm vaqtında (5,6 milliard dollarğa yaqın) 61,9 milliard krona degerinde arbiy yardım kösterdi.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG