Qırımnıñ İslyam Terek rayonı Cuma Eli (Privetnoe) koyunden imam İsmail Yurdamovnı Rusie Memuriy uquq bozuvları memuriy kodeksiniñ 5.26 maddesiniñ dyordyunci qısmına istinaden vicdan, din serbestligi ve diniy birleşmeler qanunını («Vicdan serbestligi, din kutme serbestligi ve diniy birleşmeler qanunlarınıñ talaplarına zıt bir şekilde missionerlik faalieti») bozğanında qabaatladılar, dep haber ete «Qırım birdemligi».
Dekabrniñ 13-nde saba Yurdamovnıñ evinde tintyuv keçirildi, onı polis bolyugine alıp ketip yibergenler.
Saba altılarda, imam saba namazına turğanda, araba qapu yanında bir maşina kordi. İnsanlar qorağa çıqqanını kordi, dep ayta.
«Ne olğanını añladım. Apayımnı uyandırdım», – dep ayta İsmail Yurdamov.
Tintyuv qararını oquğanlar, anda, İsmail Yurdamovnıñ aytqanına kore, Rusiede yasaqlanğan «Hizb ut-Tahrir» teşkilyatı, toplaşuvlarında iştirak etyuv aqqında aytıldı. Yurdamov bir şey imzalamadı.
Uquq qoruyıcılar Yurdamovnıñ evine kirip, ayaqqaplarını çıqarmadı. İmam yanına bahil ala bilir ediler degende «Boyle bir qaide yoq» dep cevap bergenler. Tintyuv vaqtında 11 yaşında qızı Hatice eki kere esini coydı.
Hadimler butyun kitap, risalelerni baqtı. Şubheli olğan bazılarını teşkerip, «temiz» dep aytqanlar.
Tintyuv vaqtında polisler ekinci evge de kirdi, anda imamnıñ qızı Gulsum Yurdamova balalarınen otura. İmam anda kirmesinler, dep talap etti. Uquq qoruyıcılar imamnıñ qızı yaşağan evni kene de teşkerdi, er erni baqıp, kumeske bile kirgenler, soñra camige barğanlar.
İmamnıñ soy-sopları butyun suallerge urbalı silyalı insanlar, şaatlar ve eki vatandaş cevap bermedi, dep tarif etti. İsmail Yurdamovnıñ qoranta azalarından cep telefonları alındı.
Soñra Yurdamovnı polis bolyugine alıp, memuriy protokol tizgenler. Hadimler mahkemege çağırılacaq, dep tenbilegenler. İmam qabaatlavnen razı olmadı.
İslyam Terek rayonındaki polis bolyuginde belli olğanına kore, tintyuvni Ekstremizm ile kureş merkeziniñ hadimleri, hususan uyken leytenant Roman Filatov keçirgenler. O, qırımlı musulmanlarnı çoqtan taqip ete – insanlarğa internette paylaşqanları içyun protokol tizdi, qırımtatar advokatlarını tuttı.
Şaat olaraq eki student keldi, polis bolyuginde olar Ekstremizm ile kureş merkeziniñ hadimlerinden derslerde olmağanlarına dair vesiqa bermelerini istedi.
İmamnıñ qızı Gulsum qayd etkenine kore, evlerindeki tintyuv babasınıñ qırımlı siyasiy mabyuslerge faal qoltutqanınen bağlı.
«Qırım ve Rostovda mahkemelerge bardı. Koyumizniñ aqsaqalları adından adaletsiz bir şekilde apiske alınğan qırımtatarlarğa qoltuttı. Bundan ğayrı, 20 yıldan berli cami imamı ola. Dualar keçirdi, nikyahlar qıydı. İnsanlar oña er vaqıt sual bermege kele edi», – dep ayttı Gulsum.
Ukrayına prezidentiniñ Qırım Muhtar Cumhuriyetindeki temsilciligi bildirgenine köre, dekabr ayına qadar Qırımda qanunsız tutulğan 191 kişi aqqında malümat bar. 123-ü qırımtatarıdır.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
