Berilgen malümatqa köre, Şeyh Eli (Partizanı) köyüniñ sakini «VKontakte» Rusiye içtimaiy ağındaki saifesinde «Rusiye Federatsiyası Silâlı quvetlerini itibardan tüşürgen paylaşuvlar, çirkin tarzda, insan itibarını ve cemaat ahlâqını aqaretlegen, Rusiye cemiyeti, devleti, resmiy timsallerine ürmetsizlik köstergen fotoresimler ve ekstremist timsallerini derc etti».
Erkek apis cezasından ğayrı, 90 biñ ruble para cezasını da aldı.
Ukrayına prezidentiniñ Qırım Muhtar Cumhuriyetindeki daimiy temsilcisi Tamila Taşeva haber etkenine köre, 2023 senesi Rusiye Federatsiyasında ve Ukrayınanıñ işğal etilgen topraqlarında ordunı itibardan tüşürgen er altıncı ceza Qırımda qayd etildi. Açıq davalarnıñ sayısı ise 70,6% arttı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
