Fevralniñ 24-nde Rusiyeniñ Ukrayinağa qarşı keniş mıqyaslı istilâsı başlanğandan berli Rusiye ordusı Kıyige 28 raketa darbesini endirdi. Bunı Kıyiv şeeriniñ arbiy memuriyetinde bildirdiler.
"Duşman 95 barışıqsever adamnıñ, şu cümleden dört balanıñ yaşayışını aldı".
RF ordusınıñ ücümleri neticesinde 412 obyekt zarar kördi, olardan 233 çoqqatlı mesken ev, 36 hususiy ev, 46 mektep ve 29 bala bağçası.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
