Link açıqlığı

Saatnıñ esas haberi

Taşeva: işğal vaqtında Rusiye 39 biñ qırımlını seferber etti


Ukrayına prezidentiniñ Qırım Muhtar Cumhuriyetindeki daimiy temsilcisi Tamila Taşeva
Ukrayına prezidentiniñ Qırım Muhtar Cumhuriyetindeki daimiy temsilcisi Tamila Taşeva

2015 senesinden berli Rusiye akimiyeti işğal etilgen Qırımnıñ tahminen 39 biñ sakinini Rusiye ordusına aldı, dep bildirdi Ukrayına prezidentiniñ Qırım Muhtar Cumhuriyetindeki daimiy temsilcisi Tamila Taşeva.

«İşğalci mahkemelerge arbiy hızmetten qaçqan şahıslarğa qarşı Rusiye Federatsiyası Ceza kodeksiniñ 328-inci maddesine istinaden 421 cinaiy dava keldi. 112-si, yani dörtte birinden çoq, 2022 senesi fevralniñ 24-nden soñ. İşğal altındaki Qırım sakinleri bütün imkânlarnı qullanıp, askerlik ve seferberlikten qaça: yarımadadan kete ya da saqlanalar», – dedi Taşeva.

Onıñ aytqanına köre, Qırımda Rusiye Federatsiyası silâlı quvetlerini itibardan tüşürüvnen bağlı 239 dava açıldı.

Ukrayına Mudafaa nazirliginiñ Baş istihbarat idaresi Rusiye akimiyeti arbiylerniñ, şu cümleden askerlikke alına bilgenlerniñ memleketten çıqışını sıñırladı. Sebep – yañı seferberlik dalğasını azırlavdır.

«(Buyruqta – QA) metinde qayd etilgenine köre: 2023 senesi yanvarniñ 9-ı saat 00 00 daqqasından başlap Rusiye FSB sıñır idaresi «A», «B» ve «V» kategoriyasından arbiy hızmetke azır olğanına dair vesiqası olğan vatandaşlarnıñ Rusiye Federatsiyasından çıqışını sıñırlamalı», – dep aytıla haberde.

Kreml «Ukrayına arbiy istihbaratınıñ beyanatını «informatsion diversiya» dep adlandırdı. «Adiy bir informatsion sahte malümat. İnformatsion diversiya, dep aytmaq mümkün», – dep ayttı Rusiye prezidentininh spikeri Dmitriy Peskov.

Ukrayına Mudafaa naziri Oleksiy Reznikov rusiyelilerni yaqın vaqıtta başlanması mümkün olğan yañı seferberlik dalğasından qaçmağa çağırdı. Onıñ aytqanına köre, 2023 senesi yanvar ayınıñ başında Rusiye Federatsiyası arbiy vaziyet ilân etip, sıñırlarnı erkekler içün qapatmağa niyetlene.

«Rusiye arbiylerine muracaat etmege isteyim. İlk evelâ bu büyük şeerlerniñ sakinlerinen bağlı. Bilem, bir qarar almaq içün bir afta qaldı. Yanvarniñ başında Rusiye akimiyeti erkekler içün sıñırlarnı qapatacaq, soñra arbiy vaziyetni ilân etecekler», – dep qayd etti o.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG