Ukrayina Mudafaa nazirliginiñ Baş istihbarat idaresiniñ temsilcisi Andriy Yusov, Qırımdaki Rusiye işğal memuriyetlerniñ temsilcileri yarımadanı terk etkenlerini bildire.
Onıñ sözlerine köre, er sefer "birisi yañlış yerde sigareta içkende ya da Ukrayina yarımadasınıñ işğalcilerden silâsızlandırma tedbirleri keçirilgende" Qırımda Rusiye topraqlarına çıqışta kilometrlernen tıqanıqlıqlar körmek mümkün.
"Ebet, keteler. Daa tar bir gruppadan bahis etsek, yani Qırımnıñ işğal memuriyetlerniñ reberligi, komandanlıq - olar artıq öz ailelerini işğal etilgen topraqlardan çıqardılar. Bazıları atta Rusiye Fedartsiyasınıñ tışına ya da Moskoviyağa çıqarıp oldı... Amma adamlarğa er şey planğa uyğun ketkenini aytmağa devam eteler", - dedi Yusov.
Soñki aftalar Ukrayinanıñ qaşı ücümi ile bağlı daa çoq bildirmeler berile. Onıñ tarihı ve yeri aqqında iç bir şey belli degil. Bazıları Ukrayina ordusınıñ nişanı Donbas, bazıları ise işğal etilgen Qırım olacaq deyler.
Qırımnıñ Rusiye yolbaşçısı Sergey Aksönov Ukrayina istihkam ve mudafaa sayesinde yarımadanı işğalden azat etemeycek, dep bildirdirgen edi.
Fevralniñ 24-nde Ukrayina prezidenti Volodımır Zelenskıy memleket Qırımnıñ işğalden qurtarıluvına azırlana, dep bildirgen edi.
Avropada ABD ordusınıñ sabıq komandanı Ben Hoces Ukrayina Qırımnı 2023 senesi yaznıñ soñuna qadar azat etecek, dep bildirgen edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
