İşğal etilgen Hersonda bellisiz kişiler demirel vokzalı üzerinde Ukrayina bayrağını köterdiler. Bunı mayısnıñ 20-nde "Ukrzalinnıtsâ" müessisesiniñ matbut hızmeti haber etti.
Berilgen malümatqa köre, bayraqnı ukrayin partizanları asıp qoyğanlar.
"Milliy bayraq Herson vokzalında! Ukrayina partizan areketleri atta muvaqqat işğal etilgen şeerlerde de areket eteler: Hersonnıñ demiröyel vokzalında Ukrayina bayrağı yelpirmekte. Çünki Herson Ukrayinadır. Böyle edi, bar ve olacaq!", - dep bildirdiler müessisede.
Al-azırda video ne zaman çıqarılğanını bilmek içün imkân yoq.
Herson, Herson vilâyetiniñ ekseriyeti kibi, martnıñ başında Rusiye ordusı tarafından işğal etilgen edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://krymrcriywdcchs.azureedge.net . Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
