Vatandaş jurnalisti İrına Danilovıç hırsızlanğan video Köktebel çıqışındaki yaqarlıq stantsiyasından birinde tapıldı. Bu aqta Qırım.Aqiqat mühbirine babası Bronislav Danilovıç bildirdi.
Onıñ aytqanına köre, videoda İrına Danilovıç kiyingenine oşağan bir urbada qadın duraqta tura ve qara maşina toqtala. Maşinadan bir qaç kişi çıqa ve qadın tirense de, onı maşinağa mindireler.
Bu video peyda olğanı içün jurnalistniñ babası qızınıñ zornen hırsızlanğanına dair cinaiy dava açmaq talabınen poliske yañı ariza berdi. O, polisten kamera videolarını alıp, dava malümatlarına qoşmağa talap ete.
Bronislav Danilovıç video oña berilmedi, çünki onı yalıñız polis hadimleri ala bile, dep haber etildi.
Hatırlatamız, İrına Danilovıç aprelniñ 29-nda ğayıp oldı ve bugünge qadar bulunğan yeri, uquqiy statusı belli degil. O künü yaşağan evinde FSB hadimleri tintüv keçirgende bir sıra bozuv yaptı.
İrına Danilovıç emşire olıp çalışa ve içtimaiy ağlarda saifesi ve bir qaç bloger saifesi bar. Anda işğal etilgen yarımadadaki tibbiyet hadimleriniñ aqları ve sağlıq problemlerinen bağlı yazılar paylaşa.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net . Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
