Qırımda apiske alınğan vatandaş jurnalisti ve emşire İrına Danılovıçnıñ sağlıq vaziyeti bayağı fenalaştı. Bu aqta «Krım SOS» aq qorçalayıcı teşkilâtınıñ talilcisi Yevgeniy Yaroşenko haber etti.
«KrımSOS» alğan malümatqa köre, İrına Danılovıç SİZOda tibbiy yardım alamağanı içün aman-aman sağırlaştı. Faal qulaq yanğısı sebebinden başı ağıra, bu da meningit sebebi ola bile», – dep haber etti Yaroşenko.
«KrımSOS» hatırlatqanına köre, mahkeme oturışuvı vaqtında İrına Danılovıç «aqlarını qorçalağanı» içün SİZO memuriyeti onı suvuq kamerağa aldı, dep ayttı, anda qulağı ötit oldı ve tedaviylenmeli.
«Al-azırda İrına Danılovıçnıñ diagnostikağa ve otolaringolog ekiminiñ baquvına ihtiyacı bar, amma tahqiqat izolâtorınıñ memuriyeti onıñ tibbiy yardım ihtiyaclarına qulaq asmay», – dep qoştı Yaroşenko.
Qırımdaki Rusiye SİZOsınıñ memuriyeti izaat bermey.
Qırım.Aqiqat bildirgenine köre, noyabrniñ 30-nda mahkemede İrına Danılovıç Rusiye uquq qoruyıcıları onı tutıp, işkencege oğrattı, dep bildirdi.
Şimdi Danılovıç patlayıcı madde ya da patlayıcı cihaz ile qanunsız areketlerden şübheli sayıla (Rusiye Ceza kodeksiniñ 222.1 maddesiniñ 1-inci qısmı). Berilgen malümatqa köre, Rusiye FSBsi İrına Danılovıçnı tibbiy inelernen patlayıcı cihaz azırlağanında qabaatladı.
Vаtandaş jurnalisti İrına Danılovıç aprelniñ 29-nda sabadan berli bağğa çıqmadı. Yaşağan evde onsız Rusiye FSB hadimleri tintüv keçirdi. Tintüv neticesinde Danılovıçnıñ ana-babasından bütün cep telefonları alındı ve bir qaç kün olar kimsege haber etip olamadı.
Qırım Muhtar Cumhuriyetiniñ prokuraturası İrına Danılovıçnıñ qanunsız tutuluvı ve tintüvlerinen bağlı cinaiy tahqiqat başlattı.
Ukrainanıñ cemaat teşkilâtları vatandaş jurnalisti İrına Danılovıçnı azat etmege talap etti.
İrına Danılovıç emşire olıp çalıştı ve içtimaiy ağlarda saifesi ve bir qaç bloger saifesi bar. Anda işğal etilgen yarımadadaki tibbiyet hadimleriniñ aqları ve sağlıq problemlerinen bağlı yazılar paylaşa.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
