«Rusiye halqara uquqnı bozıp, Qırım yarımadasında qırımtatarlarğa ve Ukrayina tarafdarı faallerge qarşı kütleviy repressiyalar ve basqı yapmağa devam ete», – dep qayd etti merkez.
Qırımtatar resurs merkeziniñ malümatına köre, 2017 – 2024 seneleri yarımadada qayd etilgenler:
- 519 tintüv (362-si qırımtatarlarğa qarşı)
- 1599 tutuv (1238-i qırımtatarlarğa qarşı)
- 1554 sorğu (1136-sı qırımtatarlarğa qarşı)
- 1579 apis cezası (1116-sı qırımtatarlarğa qarşı)
- 3418 adaletli mahkeme aqqınıñ bozuluvı (2137-si qırımtatarlarğa qarşı)
- 628 sağlıq aqqınıñ bozuluvı (424-ü qırımtatarlarğa qarşı)
- 404 etap (317-si qırımtatarlarğa qarşı).
Qırımtatar resurs merkezi qayd etkenine köre, böyle adiseler Rusiye işğal etken Ukrayinanıñ Zaporijjâ ve Herson vilâyetlerinde tarqatıla, Rusiye anda da insanlarnı böyle qorquzmağa tırışa.
Qırımtatar resurs merkeziniñ malümatına köre, Rusiye Qırım yarımadasını işğal etkeninden berli 370 siyasiy sebepli cinaiy dava qayd etildi, 228-i qırımtatarlarğa qarşı. Ukrayina Yuqarı Radanıñ vekâletlisi Dmıtro Lubinets bildirgenine köre, al-azırda 218 qırımlı siyasiy ve diniy sebeplerden taqip etile.
Roskomnadzor Qırım.Aqiqat saytını blok etti.Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
