Ağustos 21-de İnformNapalm halqara tahqiqat gruppası Qırımnıñ silâlı zaptında iştirak etken Rusiye arbiyleriniñ yañı adlarını ilân etti. Tetqiqatta iddia etilgenine köre, bu yerde « maskalar ve ayırıcı işaretleri olmağan uniformalar ile Qırımda Ukraina arbiy qısımlarını zapt etken» Rusiye Qaradeñiz flotunıñ 810 nomeralı ayrı deñiz piyadeleri brigadasınıñ arbiyleri aqqında söz yürsetile.
Neşir etilgen materialda, 2014 senesi fevralniñ soñu – martnıñ başında ilhaq etilgen Qırımda bulunğan Rusiye arbiyleriniñ fotosuretleri ile Rusiye deñiz piyadeleriniñ öz içtimaiy ağlarında yerleştirgen «Qırımnıñ qaytarıluvı içün» medalleriniñ fotoresimleri örnek olaraq taqdim etileler. İnformNapalm gruppası devletniñ türlü regionlarında yaşağan Rusiye vatandaşlarınıñ kimligini tayin ete bildi.
İnformNapalmnıñ matbuat kâtibi Mihail Makaruk, Qırımdaki Rusiye arbiyleri özlerini faş ete bilecek malümatnı özleri taqdim etti, dep qayd ete.
Çastımızğa, Rusiye ordusında ahmaqlar çoq, bunıñ içün olar sağ olsunMihail Makaruk
– Biz sıq-sıq olarnıñ sabıq ordu arqadaşlarını tapıp, arbiy bölükniñ tolu zıncırını tayin etemiz. Lâkin ekseriyeti – olarnıñ derc etken vesiqaları: er birinde «Qırımnıñ qaytarılması içün» medali, ondan yüksek turğan şahısnıñ imzası ve müüri bar edi. Olar kelişi güzel şeklinde tarqatılmay edi. Rus askerleriniñ bizim territoriyanıñ bir qısmını zapt etüv boyunca areketleri esnasında Qırımda bulunğanına dair malümat zerre-zerre toplanğan edi. Çastımızğa, Rusiye ordusında ahmaqlar çoq, bunıñ içün olar sağ olsun. Al-azırda biz istilâcılarnıñ Qırımğa kelüv yollarını, askeriy bölükleriniñ 70%-inden ziyadesini ve 2 biñden ziyade arbiylerniñ şahsiyetlerini tam olaraq tayin ettik. Suratsız kişiler adlar, soyadları, unvanlar ve rütbelerge saip olıp başladı ve bundan qorqalar, çünki olar, zaman aşıması müddeti olmağan cinayetlerni
Mihail Makaruk, bütün toplanğan malümat halqara mahkemelerde Rusiyege qarşı qullanılacaq, dep qayd etti.
– Biz Ukraina Adliye nazirligindeki, başında İvan Lışçına turğan genç komanda ile çalışqanımızdan şeref duyamız. Ukrainanıñ Rusiyege qarşı şu qabaatlav aktlarını tertip etken kişi, tamam odır. Bütün bu faktlarnı biz işlep çıqıp olarğa teslim etemiz, çünki olar onı işni bilgen insanlar ve mutehassıslar sıfatında uquqiy saağa keçireler. Ondan ğayrı biz, askerlerimizniñ ayatlarını qurtarğan Ukraina Silâlı quvetleriniñ Baş ştabı ve Telükesizlik hizmeti ile emekdaşlıq yapamız.
İnformNapalm tarafından yapılğan tahqiqatnıñ yañı qısmından kelip çıqqanına köre, Ukrainağa ait Qırımnıñ istilâsında Saratovlı kence serjant Mihail Komlev, Rostov-na-Donu şeerinden olğan Anatoliy Şulga, Urüpinskli Artöm Yerömin, Morozovsklı Andrey Petrenko ve Artöm Zlobin, Volgodonsklı Aleksandr Askolzin, Krasnodar diyarındaki Temijbekskaya stanıtsadan olğan Pavel Kuzminov, Novoçerkassklı Aleksandr Muntiyev, Magnitogorsklı Maksim Starikov ve Votkinskli Aleksey Çirkov iştirak ettiler.
İliya Devlet universitetiniñ (Gürcistan) professorı, Moskvadaki Ekstremal jurnalistika merkeziniñ tesis eticisi ve müdiri Oleg Panfilov, gürcülerniñ regionda Rusiye arbiylerini közetüv tecribesi ile paylaşa.
Muayyen arbiylerni tayin etmek bayağı qıyın edi. Lâkin bizge işğalcilerniñ açıqlığı yardım ete: olar mahtanmağa pek aveslerOleg Panfilov
– 2008 senesinde cinayetlerde, Gürcistannıñ istilâsında iştirak etken Rusiye arbiyleriniñ tayin etilmesi – bu, esasen İnformNapalmnıñ işidir. Bizde bir qaç cenk oldı ve 1990-ncı senelerniñ başındaki vaqialarnıñ izlerinden muayyen arbiylerni tayin etmek bayağı qıyın edi. Lâkin bizge işğalcilerniñ açıqlığı yardım ete: olar mahtanmağa pek avesler. Bu sebepten, neşirlerni toplap, Abhaziyada 1992-1993 senelerinde olıp keçken ve vatandaşlar arasındaki dep tanıtılmaqta olğan zıddiyette qaç kişi iştirak etkenini tayin etmek mümkün. Cenübiy Osetiyadaki çatışmağa kelgende ise, 2008 senesinden soñ anda Rusiye ordusı tura, ve arbiylerniñ muayyen ve olarnıñ yapqan areketleriniñ tayin etilmesi ile mahsus cemiyet gruppası oğraşa. O, volontörlar vastasınen tertibatlarnı satın ala ve Rusiye arbiylerniñ, olar tarafından sıñır dep adlandırılğan memuriy sızıq boyunca areket etken mobil gruppalarınıñ areketlerini közete.
Oleg Panfilovnıñ aytqanına köre, Rusiye-Gürcistan çatışması boyunca Halqara cinayet mahkemesiniñ tahqiqat gruppası çalışa. O, malümat toplamaq içün endi Gürcistannı ziyaret etti. Jurnalist, Rusiyeni işlegen cinayetleri içün cevapqa çekmek içün başqa çareni körmey.
(Metinni Vladislav Lentsev azırladı)
