12 imayeci ve altı saat mahkeme: Kürbedinovnıñ davası nasıl baqıldı (video)

Qırımda Rusiye uquq qoruyıcıları tutqan qırımlı advokat Emil Kürbedinovnıñ mahkemesi keçirile. Advokatnı cumaaqşamı künü mahküm ettiler, cuma künü, dekabrniñ 7-nde, esnas devam etti. Kürbedinovnıñ menfaatlarını temsil etken advokat Edem Semedlâyevniñ aytqanına köre, mahkeme qarar aqşam çıqarılmağanı içün oturışuvnı başqa künge avuştırmağa razı oldı. Onıñ qayd etkenine köre, Kürbedinovnı 12 imayeci qorçaladı, esnas 6 saat devam etti. Kürbedinov oturışuvdan soñ onı «olmaycaq bir sebepten» tutqanlarını aytıp, ekstremizm qabaatlarını tanımağanını bildirdi. Bundan ğayrı, o, emin ki, tutulmasınıñ kerçek sebebi onıñ aq qorçalayıcı faaliyeti, siyasiy mabüslerge köstergen yardımı ve Ukraina askeri Bogdan Nebılitsanı qorçalağanı ola. Dava baqılğanda Aqmescitniñ Kiyev rayon mahkemesi ögünde advokatqa qoltutmağa kelgen insanlar toplaştı. Dekabrniñ 6-nda Qırımda Rusiyeniñ Ekstremizm ile küreş merkeziniñ hadimleri advokat Emil Kürbedinovnı tutıp aldı. O, Rusiye Memuriy cinayetler kodeksiniñ 20.3 maddesi boyunca (natsist işaretleri ya da timsalleri, ekstremist teşkilâtlarnıñ işaretleri ya da timsalleri, ya da federal qanunlarnen yasaqlanğan işaret ve timsalleriniñ teşviqatı ve açıq numayış etilmesi) şeklene. Advokat 2013 senesi Facebookta paylaşqanları içün memuriy apis cezasını ala bile. Kürbedinov dey ki, onı Dimaşqqa köçken Qırımnıñ sabıq sakini şikâyet etti. (Video – «Qırım birdemligi»)