Bu yılnıñ iyün ayı içinde işğal etilgen Qırımda 15 siyasiy yaqalav qayd etilgen, olardan 8-i de tamır qırımtatar halqına qarşı edi.
Bunıñ aqqında Qırımtatar resurs merkezi tarafından taqdim etilgen 2023 senesiniñ iyün ayı içün işğal etilgen Qırımda insan aqlarınıñ bozulması ile bağlı talilde yazıla.
Şu cümleden, "Ukrayina destegine grafiti içün" 20 yaşındaki Yegor Savçenko ve Mihail Jidkov yaqanlanğan. İyünniñ 10-nda Aqmescit rayonındaki Molodöjnoye köyünde 53 yaşındaki qırımtatar Eldar Mensitov, iyünniñ 16-nda "Rusiye ordusını itibardan tüşürüv içün" Yüriy ve Aleksandr Veliçko yaqalanğan.
Daa eki doğmuş ağa-qardaş Cafer ve Alim Alüstayevler, 33 yaşındaki Kirill Barannik, 42 yaşındaki Bekir Dervişev ve 45 yaşındaki Dilâver Musayev yaqalanğan. İyünniñ 25-nde üç qırımtatar Rustem Kurnosov, Enver Üseinov, Ebabil İbragimov yaqalanğan. İyünniñ 26-nda Ukrayina mahsus hızmetleri ile işbirlik şübesi sebebinden eki Yalta sakini yaqalanğan.
Bundan ğayrı iyün ayı içinde Qırımda 4 tintüv keçirilgen. Episi de qırımtatatrlarnıñ evlerinde
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
