Rusiye ve ilhaq etilgen Qırımda yasaq etilgen “İyegova şaatları” diniy teşkilât, eñ azı 6 tintüvden soñ bir qaç adam tutılıp alınğanı aqqında bildirdi.
“Rusiyede İyegovanıñ şaatları” saytına köre, tintüvlerden soñ Aqmescitte 34 yaşındaki Artöm Gerasimovnı tutıp aldılar.
“Tintüv vaqtında dindarlarnıñ kompyuter ve başqa elektron cihazları ve Bibliyalar alındı. Dindarlarğa qarşı davanı, A. Lavrov ve S. Bosiyev tahqiqatçıları alıp bara”, - denile beyanatta.
Qırımtatarlardan ğayrı, Rusiyede yasaqlanğan "İyegova şaatları" diniy teşkilâtınıñ azaları da basqığa oğradı. FSB hadimleri "ekstremist cemiyetni teşkil etüv" davasınıñ tahqiqatı çerçivesinde Canköyde sekiz tintüv keçirdi, keçken sene yoq etilgen "Sivaş" yerli teşkilâtınıñ sabıq reberi Sergey Filatov tutuldı, oña qarşı cinaiy iş açıldı.
