İtaliyada yañı koronavirusnıñ eki yoquma adisesi qayd etilgen. Bunı memleketnin baş naziri Giuseppe Conte haber etti ve ülke Qıtay ile uçuşlarnı toqtatqanını haber etti, bildire Azatlıq Radiosı.
ANSA agentliginiñ malümatına köre, hastalıqnı bir afta evel Qıtaydan Milanğa kelgen turistlerde taptılar. Olarnıñ alı Romanı ziyaret etkende yaramaylaştı. Turistlerni hastahanege qoydılar. Qayd etile ki, hastalar epidemiyanıñ merkezi olğan Wuhan şeeriniñ sakinleri olğanı bildirile.
Yanvarniñ 30-ında Bütündünya sağlıq teşkilâtı Qıtay koronavirusını global bir fevqulâde vaziyet dep ilân etti.
Bütündünya sağlıq teşkilâtınıñ müdiri Tedros Adhanom Ghebreyesusnıñ aytqanına köre, Qıtaynıñ tışında 18 memlekette 98 koronavirus hastalığı adisesi qayd etildi. Qıtay tışında ölüm adiseleri aqqında haber yoq.
Yaqında qayd etilgen virus büyük koronaviruslar gruppasına aittir. Bazılarda hastalıq qolay keçe, bazılarınla suvuqlanuv ve gripp alâmetleri, em de yüksek sıcaq ve öksürik bar, ağır hastalarda nefes tarlığı qayd etile. Bu öldürici ola bilecek pnevmoniyağa keçe bile.
Daa evel Moğolistan ve Qırğızistan Qıtay sıñırını qapattı, dep bildirdi. Özbekistan, Qazahistan ve Turkmenistan sıñırdaki kontrolni quvetleştirdi. Rusiye işğal etken Qırım ve Aqyarda koronavirus telükesi tarqalğanı içün tevsiyeler çıqarıldı.
