Bundan da ğayrı, Rusiye ordularına ukrayin tışına uçucısız uçaq ve raketa darbelerini quvetleştirmege imkân berecek, bu da millionlarnen ukrayin vatandaşına tesir etecek.
"Amerika istihbaratınıñ toqtatuvı, Ukrayinanıñ Rusiye ballistik raketalarından qorçalanmaq içün qullanlğanı Patriot ava mudafaası raketalarınıñ berilmesini toqtatuvnen beraber, Rusiyeniñ Ukrayina tışındaki topraqlarınıñ telükesizligine ciddiy tesir etecek", — dep aytıla maruzada.
Talilcilerniñ qayd etkenine köre, Ukrayinanıñ Rusiye raketa ve silâ anbarlarına endirgen darbeleri Ukrayina quvetlerine bütün cebe boyunca basqını eksiltti, Rusiye ordularına muvafaqiyet qazanmaq içün öz artilleriya üstünligini qullanmağa imkân bermedi. Rusiyedeki arbiy obyektlerge endirilgen darbeler Rusiye aviatsiyasınıñ Ukrayinağa nisbeten areketlerini başqa yerge avuştırdı, bu ise Rusiyeniñ avia bombalarını qullanmasına mania oldı.
Qayd etilgenine köre, ATACMS and HIMARS qullanuvı ile Rusiye ve işğal etilgen Ukraina topraqlarına darbeler endiremezlik, Rusiyeniñ em cebedeki topraqlarda, em de tışta idare etilgen ava bombalarını semereli qullanuv imkânlarını keñleştirecek.
ISW, Kreml temsilcileri, arbiy yardım ve istihbarat malümatınıñ paylaşuvı toqtatılğanından faydalanıp, uruş meydanında qoşma üstünlik elde etmege niyetlengenini bildirdi, dep qoştı.
Bir kün evel ABD milliy havfsızlıq mesleatçısı Mayk Uolts ve TsRU müdiri Djon Retklif, prezident Trampnıñ Ukrayinağa yardımnıñ toqtatıluvı istihbarat malümatınıñ paylaşılmasını köz ögüne ala, dep bildirdiler.
Amerika memuriyetiniñ böyle qararı aqqında kütleviy haber vastaları ABD prezidenti Donald Tramp Oval kabinetinde Ukrayina prezidenti Volodımır Zelenskıy ile açıq munaqaşadan soñ Ukrayinağa arbiy destekni toqtatmaqnı emir etkenini yazğan soñ belli oldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
