İstanbulnıñ Kartal ilçesinde çoq qatlı evniñ yıqıluvı neticesinde altı insan elâk oldı, dep haber ete Radio Svoboda.
İstanbul valisi Ali Yerlikayanıñ fevralniñ 7-nde bildirgenine köre, on üç insan yaralandı. Qurtarıcılar faciye arinde qıdıruv işlerine devam ete.
Tahminen 30 insan bulunğan çoq qatlı ev fevralniñ 6-nda İstanbulnıñ Anadolu tarafında yıqıldı. Seberleri daa belli degil. Altı insan qurtarıldı. Bir qadınnı qurtarıcılar çıqardı.
İstanbul valisi Ali Yerlikayanıñ qayd etkenine köre, binanıñ birinci qatında qanunsız tekstil fabrikası yerleşken edi, yuqarıdaki üç qat ise qanunsız quruldı.
Türkiye prezidenti Recep Tayyip Erdoğan facia yerine İç işler ve Tabiat nazirlerini yolladı. Cinaiy dava açıldı.
