Link açıqlığı

Saatnıñ esas haberi

İstanbul taqımı Qırımdan kelgen futbol klubı ile yapacaq matçını lâğu etti – Çubarov


Refat Çubarov
Refat Çubarov

İstanbulda «İstanbulspor» ve işğal etilgen Qırımdan kelgen «Qızıltaş» taqımı ile futbol matçı lâğu etildi. Bu aqta Qırımtatar Milliy Meclisiniñ reisi Refat Çubarov Facebookta haber etti.

Bu malümatnı İstanbul taqımınıñ vekilleri de Twitterde tasdıqladı.

Çubarovnıñ aytqanına köre, matç martnıñ 27-ne planlaştırılğan edi.

«Bütün kerçek-yalanlarnı qullanıp, İstanbulğa barmaq, martnıñ 27-nde «İstanbulspor» taqımı ile dostluq matçını oynamaq ve bütün dünyağa işğal etilgen Qırım tecriti yoq etildi dep aytmaq içün yapalar… Amma – olmadı!», – dep yazdı Çubarov.

Rusiyeniñ Ankara elçihanesi de oyunnıñ lâğu etilüvini izaatladı.

«Bazıları qırımlılarğa yutturmaqtan qorqamı? Qırımtatar qardaşlarına qoltutqanını bildirip, özleri türk musafirçenligini köstermey», – dep aytıla elçihaneniñ Facebook haberinde.

«Qızıltaş» futbol taqımı 2016 senesi quruldı, al-azırda Bağçasaraynı temsil ete.

Klubnıñ resmiy saytında qayd etilgenine köre, taqımnıñ vasiylik şurasınıñ yolbaşçısı Rusiye Devlet dumasınıñ Qırım deputatı Ruslan Balbek ola.

XS
SM
MD
LG