Büyük istilânıñ başında Hersonda ğayıp olğan ispaniyalı göñülli Maryano Garsia Kalatayud Aqyamescit SİZO-sındadır. Bunı "QırımSOS" uquq qoruyıcı teşkilâtınıñ talilcisi Yevgen Yaroşenko haber etti.
"QırımSOS"qa malüm olğanı kibi, ispaniyalı Maryano Garsia Kalatayud Aqmescit SİZO-sındadır. Şimdiki vaqıtta anda işğalciler cenübiy vilâyetlerde tutıp etisir etken diger Ukrayina vatandaşları da bulunmaqta", - dedi Yaroşenko.
Uquq qoruyıcılarınıñ malümatına köre, Maryano Garsia Kalatayud 8 yıl Ukrayinada yaşağan İspaniya vatandaşıdır. O göñülliliknen oğraşa edi. Martnıñ 19-nda işğal etilgen Hersonda Ukrayina destegine aktsiyağa çıqtı ve ğayıp oldı. Yerli faaller Mario Hersonda tutulğanını, soñra ise azat etilgenini bildirdiler.
Oktâbrniñ 17-nde Qırımdaki Rusiye mahkemesi qırımtatar Artur Memetşayevni 6,5 yıl apis cezasına mahküm etkeni belli oldı. Evel "Qırımtatar resurs merkezi" onıñ Geniçeskte tutıp esir etilgeni aqqında haber etken edi.
Sentâbrniñ 2-nde Rusiyeniñ nezaretinde olğan Aqmescit şeeriniñ Kiyev rayon mahkemesi Ukrayina istihbaratınıñ malümatına köre, Rusiye arbiyleri tarafından Herson vilâyetinde tutıp esir etilgen qırımtatar Ayder Ümerovnı 5 yıl sert apis cezasına mahküm etken.
Rusiye tarafından işğal etilgen Melitopolde tutıp esir etilgen ukrayin göñüllisi Yaroslav Juk Aqmescit SİZO-sında tutula, o "halqra terrorcılıq eyleminde" qabaatlana. Bunı Rusiyeniñ nezaretinde olğan Qırımnıñ Yuqarı mahkemesi haber ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
