Link açıqlığı

Saatnıñ esas haberi

İspaniyadaki Rheinmetall arbiy zavodınıñ anbarında patlav oldı


Rheinmetall büyük alman silâ istisalcısınıñ ştab kvartirası, arhiv fotoresimi
Rheinmetall büyük alman silâ istisalcısınıñ ştab kvartirası, arhiv fotoresimi

İspaniyada Rheinmetall alman mudafaa kontsernine ait arbiy zavod anbarında patlav oldı, dep haber ete EFE.

Patlav yanvarniñ 30-nda yerli saatnen saat 16:20-de Mürsiya vilâyetinde oldı. Yanğın tahminen 2 biñ metr kâreni qapladı. Patlavnıñ sebepleri belli degil.

Müessiseniñ altı hadimi yaralandı. Yaralanğanlardan beşi hastahanege alındı, daa birisi qaza yerinde yardım aldı.

Rheinmetall – Almaniyada silâ ve arbiy tehnika yapqan eñ büyük kontsern, silânı Ukrayinağa da bere. Şirket Ukrayinada silâ yapacaq ve tamir etecek zavod aça, bunıñnen beraber top snarâdlarını yapacaq daa bir qaç zavodnı qurmağa planlaştıra.

Bunıñ arfesinde NATO baş kâtibi yardımcısınıñ muavini Ceyms Appaturay Rusiye Rheinmetall yolbaşçısı Armin Pappergerni öldürmege planlaştırğanını bildirgen edi. O, onıñ öldürilüvi Rusiyeniñ bütün Avropada mudafaa sanayı müessiseleriniñ yolbaşçılarını yoq etmek planınıñ bir qısmı olğanını ayttı.

«Soñki bir-eki yıl içinde biz NATO memleketlerinde trenlerniñ yoldan çıqması, ateşke berüv, siyasetçilerniñ mülküne ücümler, sanayı liderlerini öldürmek içün fitneler, meselâ, Rheinmetall yolbaşçısını öldürüv kibi sabotaj vaqialarını kördik. Amma başqa fitneler de oldı», – dedi Appaturay.

Memur qayd etkenine köre, Rusiye böyle areketler içün insanlarnı internet vastasınen celp ete. O, eda etkenler çoqusı vaqıt «cinaiy taqım, bir şeyden şübhelenmegen yaşlar ya da köçip kelgenler» ola, dep ayttı.

Roskomnadzor Qırım.Aqiqat saytını blok etti.Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG