Bir qaç yüz insan İspaniyanıñ cenübinde beş künden berli devam etken orman yanğınlarınen küreşe, dep bildire Azatlıq Radiosı halqara kütleviy haber vastalarınıñ malümatına esaslanıp,
Yanğın 7000 gektardan çoq yaqtı. Tahminen 2600 insan evini terk etmege mecbur oldı.
ABC News malümatına köre, Costa del Sol regionında orman yanğını çıqtı, neticede yüzlernen insan tahliye etildi. Ateşnen küreşmek içün 200-den çoq insan ve 12 yanğın maşinası celp etildi.
İspaniya ükümeti arbiylerni Sierra Bermeja dağ regionına yolladı.
Yanğın söndüricilerden biri ateşni söndürgende elâk oldı. Yerli akimiyetniñ tahminlerine köre, yanğınnıñ suniy şekilde çıqması mümkün edi, onı tahqiq etmege vade eteler.
