Link açıqlığı

İslâmov ve Smirnov qırımtatarlardan Qırım akimiyetine yollanıldılar


Qırımtatar halqınıñ Meclisi Qırım nazirler Şurasına Lenur İslâmovnıñ – nazirler Şurasınıñ reisiniñ birinci muavini vazifesine, Zaur Smirnovnıñ – milletler ve sürgün etilgen vatandaşlarnıñ işleri boyunca Cumhuriyet komitetiniñ reisi vazifesine namzetlerini tasdıqladı.

Bundan da ğayrı, Meclis Lenur İslâmov ve Zaur Smirnovnıñ faaliyetini köz ögüne alıp, Meclis toplaşuvlarında qırımtatarlarınıñ nazirler Şurasındaki ilerideki iştirak etüv imkânlarını da baqacaq.

«Olar siyasetçiler degiller. Olar qırımtatarlarnıñ abadanlaştıruvı boyunca suallerini baqacaqlar, bir de bir siyasiy yük olarda olmaycaq. Bunı Qurultay ve Meclis eda etecek», – dep izaatladı bu qararnı Meclis reisi Refat Çubarov.

«Zaur Smirnov Mecliste öz azalıqnı toqtattı. İleride Meclis erkânından çıqacaq. Şunıñ içün bu müddet devamında Meclis azalarında idare iqtadarı olmaycaq», – dedi o.

Evelleri halq lideri Mustafa Cemilev böyle işbirlikke qarşılıqnı bildirdi. Lâkin VI Qurultaynıñ nevbetten tış sessiyasında Mecliske yañı akimiyet organlarına namzetlerni köstermek içün vekâlet berilgen edi.

SeparatistQırım akimiyetiniñ «birinci baş nazir muavini» keçken bazar künü qırımtatarlardan akimiyetke kösterile bilecek namzetleriniñ adlarını aytıp keçti. Onıñ aytqanına köre, yarın öz başına tayinlengen tanılmağan Qırım cumhuriyetiniñ Devlet Şurası Lenur İslâmov, Remzi İlyasov, Zaur Smirnov ve Safure Kacametovnıñ namzetlerini baqacaq.
XS
SM
MD
LG