Rusiyeniñ nezareti altında olğan Qırım demiryolları, İslâm Terek rayonında demiryolğa ketirilgen zararnıñ sebebi "çetten birevlerniñ kirişmesi" olğanını bildirdi. Bunıñ aqqında "RİA Novovsti" haber ete.
"Bugün, iyünniñ 27-nde, Qırımnıñ İslâm Terek qasabasındaki Vladislavovka-Petrovo demiryol qısmında çetten birevlerniñ kirişmesi neticesinde demiryol töşemesine zarar ketirildi. Qaza neticesinde uzaqtan kelgen eki tren ve eki yerli tren keç qaldı", - dep yazıla bildirmede.
Bugün saba Qırımnıñ Rusiye yolbaşçısı Sergey Aksönov İslâm Terek rayonında demiryolnıñ bozulması aqqında bildirdi. Rusiye telegram kanalları sebep demiryolnıñ patlatılması ola bile, dep haber ete ediler.
Rusiyeniñ Ukrayinağa qarşı büyük istilâsı başlanğandan berli Qırımda terror telükesiniñ yüksek ("sarı") seviyesi ilân etilgen.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
