RF ordusını "itibardan tüşürüv" qabaatı ile av apsine alınğan Qarasuvbazar tehnikumınıñ sabıq ocası Andrey Belozörovdan memuriy para cazası ödemesini talap eteler. O, Qırım.Aqiqatqa tehnikumdan quvulıp, ev psine alınğan soñ özüni keçindirmege ve cöremeni ödemege imkânı olmağanını bildirdi.
"Menim emek ve tibbiyet defterçiklerim keçken seneniñ oktâbr ayında alındı ve alâ daa qaytarılmadı. 2022 senesi dekabrniñ 21-nden ev apsi sebebinden evden çıqmaq yasaq. Böylece sadece men degil, apayım ve 11 yaşındaki balam da keçinmesiz qaldı, çünki apayım bir hastahanede emşire olıp çalışa ve maddiy yardım almadan 10 biñ ruble maaşnen yaşamaq qıyındır. Aynı zamanda, yalıñız işten degil, ev apsine alıp em de qazanmaq imkânından marum etkenlerine baqmadan, telefon etip 40 ve 42 biñ ruble teşkil etken cöremelerniñ ödenilmesini talap eteler", - dedi o.
Keçken sene sentâbr ayında Belozörov 13 künge tefqif etilgen ve Qarasuvbazar tehnikumından işten boşatılğan edi. Sebep, ocanıñ Bayraktar pilotsız uçqan cihaz aqqında ukrayin türküsi olğan videonı baqqanı oldı.
Dekabrniñ 9-nda Belozörov Qırım.Aqiqatqa Rusiyeniñ Ukrayinağa büyük istilâsına dair açıq noqta-i nazarı içün Rusiye akimiyeti oña qarşı cinayet davası açacağını ayttı.
Belozörovnıñ bu davanıñ açılmasına sebep olğan yazısında denilir edi: "8 yıldır Donbasta masüm ukrayin balaları ve qadınları Rusiye Silâlı quvetleri tarafından bombalandı, soñki yarım yıl kene RF SQ Ukrayina şeerlerini bombalay ve ukrayinlerni öldüre".
2020 senesi dekabrniñ 23-nde mahkeme oturışı vaqıtnda Belozörov RF Ceza qanunnamesiniñ 280.3 maddesi ile ev apsine alındı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
