İşğalden azat etilgen Qırımda akimiyet organları içün kadr ihtiyatı 50 biñ adam teşkil etecek, dep bildirdiler Ukrayina prezidentiniñ Qırım MC temsilciliginde.
"Devlet ve qanun qoruyıcı organlarınıñ faaliyetini temin etmek, haostan qaçınmaq ve aman-aman telükesizlik, tibbiyet ve gumanitar meseleleriniñ episini idare etmek maqsadınen Qırımnıñ işğalden azat etilmesinden deral soñra devlet idareciligini ğayrıdan tiklemek kerek olacaq. Şunıñ içün şimdiden kelecek mütehassıslarnı azırlamaq müimdir. Bu ihtiyatnı tamamınen ğayrıdan tiklemek ve atta çoqlaştırmaq içün Ukrayinağa 50 biñ mütehassısnı azırlamaq kerek olacaq", - dediler temsilcilikte.
Mayısnıñ 11-nde Qırımnıñ reintegratsiyası meselelerinde kadr ihtiyatınıñ azırlanması içün tasil programmalarınıñ taqdim etilmesi keçirilecek. Olar em devlet hızmetçileri, em de igşğalden azat etilgen topraqlarda çalışmaq istegen er kes içündir.
Aprelniñ başında Ukrayina Nazirler kabineti Qırım ve Aqyar şeeriniñ İşğalden azat etilüvi ve reintegratsiyası Strategiyasınıñ yañı variantını qabul etti.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
